बचपना


जाड़ा के दिन रहे...ना-ना, जाड़ा ना, जाड़ा बीतत रहे, मारच चाहें अपरैल होई, एम.ए. के परीछा चलत रहे। हमार एक्के पेपर बँचल रहे अउर बाबा के देखावे खातिर की खूब तइयारी करतानी, विकास पयंटवा की जेबवे में खोंसि के घूमि। बाबा दुआरी पर खटिया पर बइठल रहने, 2-4 आदमी अउर रहे, दिन के 3 चाहें 4 बजत होई, कुछ बात-चीत चलत रहे तवलेकहीं कुछ लुहेड़ा उपटने कुल अउर हमके हाँक लगवने कुल...घर में से बाहर निकलनी अउर बाबा से आँखि बचावत ओ कुल के आगे चले के इसारा क के डिहुआर बाबा की लगे पहुँचि गइनीं....तय भइल की होरहा के सीजन बितत चली जाता, त सालि के अंतिम होरहा लगा लेहल जाव। बातेचीत में पता चलल की नहरी की ओ बगल पंडी जी (हमनी जान, अपनी गाँव की बुड़वा पंडीजी के ठाकुरजी-ठाकुर जी कहत रहनी हँ जा, कांहे की बुड़वा पंडीजी के गोर लगले पर उहाँ का ठाकुरजी-ठाकुरजी कहल करीं...साथे-साथे..कबो-कबो कहीं की अरे इ लइका त दाँति गइल....बोल बाबू...जय ठाकुरजी) के खेत्ते में जबरजस्त मटर लागल बा। एक-एक क के मतलब आगे पीछे-हो के हमनी जान नहरी की ओ बगल पहुँचि गइनी जाँ....एगो लइका नहरी पर खड़ा हो के एन्नो-ओन्ने नजर राखे लागल अउर हमनी जान फटाफट 2-3 अँकवारि मटर उखाड़ि के छिपत-छिपावत सिधावें गाँव की ओर भगनी जाँ। सिधावें की एनिए एगो बारी रहे...उहवें होरहा लागे के प्लान बनल। खट-खटाखट 5-7 गो ऊँखी तुड़ी के आ गइल....थइली में से माचिस निकलाइल अउर थोड़े उँखी के पतई लिआके बरा गइल... फेर दु गो ऊँखी के दु आदमी लहासी की दुनु ओर हो के पकड़ि लेहल अउर ओही पर मटर गँजा गइल....मजेदार होरहा लागल...बिन-बिन के खूब खवाई भइल....मुँहें हाथे में खूब करिखा लागि गइल रहे...फेर एगो गड़ही में जा के हाथ मुँह धोवनी जाँ अउर चुपके से घरे चलि अइनी जाँ।

अब एन्ने का भइल की पंडीजी खेत घूमे गइनीं, उहाँ की मटरे की खेत में हमार विकास गिरी गइल रहे...हमरा जल्दी-जल्दी में पते ना चलल रहे....उ विकास उठा के पंडीजी बाबा के ले आ के दे देले रहनीं अउर साथे-साथे इहो बता देहले रहनीं की उहाँ की खेत्ते में से मजिगर 2-3 बोझा मटर उखड़ाइल बा....पर पंडीजी इहो कहले रहनी की लइका हवें कुल ए से डँटले के ताक नइखे। जय हो....बाबा हमके बोलवने अउर बिकास देत खालि एतने कहने की बाबू एक लइका के बाप हो गइलS पर सुधरलS ना....हम मुँह ओरकवले...घर में चलि गइनीं। पहिले की लोग में बहुत सहनसक्ति रहे...अब त एइसन क देहले पर कपरफोड़उअल हो जाई। जय-जय।
पं. प्रभाकर गोपालपुरिया




टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

रासिफल जिए ना दी (व्यंग्य)

चित्र
सबेरे-सबेरे हम अखबार खोलते आपन राशिफल देखेनी अउर ओही आधार पर दिन के सुरुवात करेनी। खाली हमहीं नाहीं , हमार मलिकाइनियो टीबी खोलते पहिले उहे चैनल देखेली जहँवा से राशिफल आवत होखो। अरे भाई , उनकरा त S   इ मालूम बा की कब कवने-कवने चैनल से राशिफल देखावेला। एइसन बाति नइखे की उनकरा राशिफल देखल बहुते अच्छा लागेला। उ त S   खालि हमार राशिफल देखेली आपन ना। राशिफल देखले की बाद उ सीधे अउर साफ तौर पर हमके हिदायत दे दे ली की आज के दिन कइसे हमरा काटे के बा। आजु जब हमार इयार बहोरन अइने हँ त हम उनसे कहनी हँ की इयार , हम त राशिफल से परेशान हो गइल बानी। का करीं कुछ समझ में नइखे आवत। हमार इयार कह ताने की तूँ मरदवा एतना हुँसीयार होखले की बादो राशिफल पर विस्वास करेल S?  इनकर बाति सुनि के हम कहनी की , दु मरदे , अगर हम ना करबी त के करी। हमहुँ पंडिते हईं। हम कबो ना चाहबि की राशिफल पर से लोग के विस्वास उठि जा। अरे भाई केतने पंडितन की रोजी-रोटी के सवाल बा। आगे हम कहनी , अरे इयार , जब से इ राशिफल देखे के हम सौख पलले बानी , जिनगी में भूकंप आ गइल बा। हमार इयार कहने उ काँहे। हम कहनी , कल्हिएँ के ...
और पढ़ें

अवतारी पुरुस

चित्र
छोट रहनी हँ S त S कई बेर केहू-केहू कहि देत रहल ह S की ए बाबू अवतारी हउअ S का ? एकदिन रहाइल ना अउरी हम पूरा गाँव-गिराँव , हित-नात सबके बोलवनि अउरी कहनी की रउआँ सभे जानल चाहत बानी न की हम अवतारी हईं की का हईं. त S रउआँ सभे धेयान लगा के सुनि ली सभें की हम अवतारिए हईं. अउरी हम अपनी अवतार लेहले के कथा सुना दे तानी. रउओं सब सुनीं- ई बाति तब के ह S जब हम इंदरलोक में चापलूसी अउरी नेतागीरी विभाग के हेड रहनी. अगर ओ समय केहू के चापलूसी चाहें नेतागिरी सीखे के होखे त S ऊ हमसे संपर्क करे. अब त S रउआँ सब के बुझाइए गइल होई की नेतागिरी अउरी चमचागीरी की बल पर हम इन्नर भगवान की केतना करीब होखत होखबि. एकबेर के बाति ह S की हम इंदरासन में इन्नर भगवान की संघे बइठि के सुरा अउरी अधनंगी सुंदरियन की नाच अउरी गीति के आनंद लेत रहनी. रउआँ सब इहाँ सुरा के अरथ देसी अउरी ठर्रा न समझि के सोमरस अउरी सुंदरियन के मतलब अपसरा समझीं. हम सुरा-सुंदरियन में एतना लीन रहनी की भगवान के उहवाँ आइल हमरा पते ना चलल. भगवान की आवते नाच-गाना बंद हो गइल अउरी साथे-साथे रसपानो के मजा किरकिरा हो गइल. इ सब देखि के हम चिहा गइनीं की अरे...
और पढ़ें

इयादि आवता लरिकाई

चित्र
बाबूजी के डाँटल अब बरदास्त से बाहर हो गइल रहे। हम माई से कहि देहनी की बाबूजी के समझा दे ,  बाति-बाति पर घघोटें मति। अब हम लइका नइखीं। कहीं एइसन मति होखे कि हमरियो मुँहे में से उलटा-सुलटा न निकलि जाव। ए पर माई हमके समझावे अउर कहे की बाबू ,  तोहरे बाप न हउअन ,  तोहरी अच्छे खातिर डाँटेने। अपनी बाप की बाति के केहु बुरा मानेला का। एकरी बाद हम माइयो की बाति के अनसुना क के घर से बाहर चलि जाईं। रोज साँझीखान माई से कुछ रुपया-पइसा लीं चाहें झोरा में दु-चार किलो अनाजे ले लीं अउर साइकिल उठा के बाजारी की ओर निकल जाईं। बाजारी में इयारन कुलि की साथे खूब चाह-पकउड़ी कटे अउर ओन्ने से पान चबात ,  थूकत ,  खिखिआत घरे चली आईं। एन्ने बाबूजी अउर माई दिनभर घर में ,  खेत्ते में काम करे लोग। सबेरे उठि के माई चउका-बरतन करे अउरी बाबूजी चउअन के सानी-पानी अउर गोबर-गोहथारि करें। ओकरी बाद दुनु परानी कुछु रुख-सूख खा के हँसुआ ,  खुरपी ,  कुदारी उठावे लोग अउर खेत्ते की ओर निकल जाव लोग। एन्ने हम दिन उगले ले खटिया तूड़ी अउर उठले की बाद बार-ओर छारि के मटरगस्ती में लागि जाईं। ...
और पढ़ें